Luxembourg Architecture Award: And the winner is…

De Luxembourg Architecture Award (LAA) 2026, eng Initiativ vum Lëtzebuerger Kulturministère, zeechent déi aussergewéinlechst Architekturprojeten am Land aus. D’Gebai „22·26“, de Sëtz vun der Entreprise Dellizotti, gouf bei de Luxembourg Architecture Awards mam Präis „Building for Sustainability“ an der Kategorie M ausgezeechent.

En exemplaresche Projet fir nohaltegt Bauen

De Sëtz vun Dellizotti, deen als Low-Tech-Gebai mat industriellem Charakter konzipéiert gouf, zeechent sech duerch eng innovativ a verantwortungsvoll Approche aus:
• Eng ganzjäreg stabil Bannentemperatur tëscht 22 a 26 °C,

• ouni konventionell Heizungs-, Klimatiséierungs- oder Ventilatiounssystemer,
• intelligent Notzung vun der thermescher Mass,
• natierlech Ventilatioun an nohalteg Materialie wéi Leem a Stréi,
• modular an demontéierbar Architektur, déi no de Prinzipie vum zirkuläre Bauen entworf gouf.