E Projet 100 % made in Luxembourg

Aweiung

En Donneschdeg, den 12. September goufe 414 Photovoltaikpannoen, zu 100 % made in Luxembourg, installéiert um Daach vum Siège vun der Banque Raiffeisen zu Leideleng, a Presenz vum Lex Delles, Minister fir Wirtschaft, PME, Energie an Tourismus, an dem Laurent Zahles, President vum Direktiounskommitee vun der Banque Raiffeisen, ageweit.

Dës Anlag sollt ronn 152.000 kWh/Joer fir den Eegeverbrauch produzéieren an deckt domat 10 % vum gesamte Stroumverbrauch vum Siège vun der Bank of. Konkreet erméiglecht d’Anlag et, den Equivalent vum Joresverbrauch vun den 73 Luedstatioune fir Elektrogefierer, déi am ënnerierdesche Parking vum Gebai installéiert sinn, ze decken.

Foto: Banque Raiffeisen