Fussballstournoi!
Let the show begin!
En Donneschdeg, den 3. Juli huet eis Ekipp d’Tastature géint Fussballschong getosch, fir beim Tournoi, organiséiert vu PROgroup, part of Sweco, matzemaaachen. Um Terrain? Spill, Stil (méi oder manner maitriséiert) a virun allem … eng super Stëmmung!
An de Klassement? Eng éierbar 20. Plaz vu 24. Jo, mir hate scho mol besser Resultater, dofir hu mir eis awer um Niveau vum Teamgeescht an der gudder Laun rattrapéiert. An dat moosst een (zum Gléck fir eis) net mat der Zuel vu Goler.
Ausserdeem … wie brauch schonn e Podium, wann een déi bescht Stëmmung huet? Eis héichmotivéiert Cheerleaderinnen hunn op der Säitelinn fir Rambazamba gesuergt. Si waren de ganzen Owend derbäi an hunn all Aktioun (souguer déi mësslongen) aus vollem Hals ugefeiert. Hir kommunikativ Energie huet eis Ekipp reegelrecht geboost an och d’Tribünen zum Schmunzele bruecht!
A wat soll een eréischt zu eisem Lidd soen! Selwer komponéiert, mat eegenen Texter, huet dat Lidd d’Ambiance vun der éischter Nout un elektriséiert. E staarke Moment, deen eis all an Erënnerung bleiwe wäert!
B-E-T-I-C
Betic, dat si mir, jo dat ass fantastesch!
Mir kämpfen, mir wannen, e Spektakel ouni Enn,
Betic no vir, ech sinn e grousse Fan!
E grousse Merci u PROgroup, part of Sweco, fir déi wonnerbar Organisatioun a bravo fir all d’Ekippen!
Aner Neiegkeeten
„Giewerei: éischte Spuedestéch! Quartier Wunne mat der Wooltz zu Wolz
Giewerei zu Wolz: Start vum Bau vun engem nohaltege Quartier mat 155 bezuelbare Wunnengen, Fokus op Zirkularitéit a Liewensqualitéit. Weiderliesen
Gebaier vun der Zukunft… A wa richteg Innovatioun onsiichtbar wier?
Gebaier vun der Zukunft setzen op onsiichtbar Innovatioun ab Phas 0 a verbannen Strategie, Leeschtung an Nohaltegkeet iwwer de ganze Liewenszyklus. Weiderliesen
Réckbléck op de Sweco’stival : en inspiréierenden a festlechen Owend
Weiderliesen
